एडिलेड अष्ट्रेलिया ।

गिरिश इभेन्ट एण्ड इन्टरटेनमेन्टको आयोजनामा ‘राजु लामा एण्ड सुजन चापागाँई ब्याण्ड लाइभ इन एडिलेड’ हुने भएको छ । अप्रिल ९ तारिख आइतबार वुडभिल टाउन हलमा चर्चित गायक राजु लामाको ब्याण्ड मङ्गोलियन हार्ट र गायक सुजन चापागाँईको ब्याण्डले सांगीतिक प्रस्तुतु दिने छ ।

अप्रिल ९ तारिख आइतबार साँझ साढे छ बजेबाट कार्यक्रम सुरु हुने गिरिश इभेन्ट एण्ड इन्टरटेनमेन्टका निर्देशक गगन गिरीले जानकारी दिए । उनले विशुद्ध सांगीतिक कार्यक्रम भएकाले मङ्गोलियन हार्ट र गायक सुजन चापागाँईको ब्याण्डसँगै रमाइलो गर्न समयमै टिकट खरिद गरी आफ्नो सिट सुरक्षित राख्न आग्रह गरेका छन् ।

ग्रेस इन्टरनेस्नल एजुकेशन माइग्रेसन टाइटल स्पोन्सर रहेको उक्त सांगीतिक कार्यक्रमको पलाटिनम स्पोन्सर अउसुज ग्रुप रहेको छ । ट्राभल पार्टनर डोको टुर रहेको छ भने कार्यक्रमको प्रर्वद्धन गर्ने जिम्मा जुजु क्रिटिभ स्टुडियोले पाएको छ । मिडिया पार्टनरका रुपमा केबीसी खबर रहेको छ।

कार्यक्रममा सहभागी हुनका लागि यहाँ क्लिक गरेर टिकट खरिद गर्न सकिने छ ।