काठमाडौँ ।

जनता समाजवादी पार्टी नेपालकी नेतृ प्रमिला यादवले उपराष्ट्रपति पदमा उम्मेदवारी दर्ता गरेकी छन् । शनिबार मुख्य निर्वाचन अधिकृतको कार्यालय बानेश्वर पुगेर यादवले उपराष्ट्रपतिमा उम्मेदवारी दर्ता गराएकी हुन् ।

यादवको प्रस्तावकमा रन्जु झा, मृगेन्द्रकुमार सिंह यादव, नवलकिशोर शाह, दीपक कार्की, राजकिशोर यादव रहेका छन् भने समर्थकमा अनिता देवकोटा, सीता गुरूङ, वीरेन्द्र महतो, मनिस सुमन र सुशिला श्रेष्ठ रहेका छन् ।

सत्ता गठबन्धनका तर्फबाट जसपाका बारा २ बाट प्रतिनिधिसभा सदस्य जितेका रामसहाय यादवले उपराष्ट्रपति पदमा उम्मेदवारी दर्ता गराइसकेका छन् ।

तस्बिर: नयाँ पत्रिका