कामठाडौँ ।

चर्चित गायक राजेशपायल राईले विवाह गरेका छन् । उनले प्रेमिका साङबुङ राईसँग औपचारिक रुपमा विवाह गरेका हुन्। लामो समयदेखि लिभिङ टुगेदरमा बस्दै आएका उनीहरुले गत मंसिर २६ गते काठमाडौं महानगरपालिका–३१ को वडा कार्यालयमा विवाह दर्ता गरेका छन् ।

गत भदौ १ गते सामाजिक परम्पराअनुसार विवाह गरेको उनीहरुबीचको विवाहको दर्ता प्रमाणपत्र बुधबार सार्वजनिक भएको हो । यी दुईजनाबाट एक सन्तानको पनि जन्म भएको छ ।

काठमाडौं महानगरपालिका वडा नम्बर ३१ का वडाध्यक्ष सरोज ढकालले राजेशपायल राईले विवाह दर्ता गरेको पुष्टि गरे । गत दशैंको महाष्टमीको बेला यी दुईले सन्तानलाई जन्म दिएको खुलासा भएको थियो।