काठमाडौँ ।

गत शुक्रबारदेखि प्रदर्शनमा आएको फिल्म ‘छक्का पन्जा-४’ को दोस्रो गीत सार्वजनिक गरिएको छ । मंगलबार ओएसआर डिजिटल युट्युब च्यानलमार्फत फिल्मको ’सिरूपाते जुंगामा’ बोलको गीत सार्वजनिक गरिएको हो ।

गीतमा बाबुल गिरीको स्वर, शंकर अधिकारीको शब्द र बाबुलकै सङ्गीत संयोजन तथा मिसिङ छ । गीतको भिडियोमा दीपकराज गिरी र बेनिशा हमाललाई देख्न सकिन्छ ।

हेमराज विसीले निर्देशनमा बनेको फिल्ममा दीपक र बेनिशासँगै दीपाश्री निरौला, केदार घिमिरे, निर्मल शर्मा, बुद्धि तामाङ, राज आचार्य, सुश्मा निरौला, बेदना राईलगायत कलाकारले अभिनय गरेका छन् ।

नरेन्द्र मैनालीले छायांकन गरेको फिल्मलाई निमेष श्रेष्ठले सम्पादन गरेका छन् ।