काठमाडौँ ।

नेकपा एमालेका अध्यक्ष केपी शर्मा ओलीले नेपाली कांग्रेस सत्ता नपाएर पानी बाहिरको माछा जस्तै छट्पटाइरहेको बताएका छन् । आइतबार प्रतिनिधिसभाको बैठकमा विशेष समय लिएर बोल्दै अध्यक्ष ओलीले कांग्रेस सत्ता बाहिर आफ्नै अस्तित्व विश्वास गर्न नसक्ने अवस्थामा पुगेको आरोप लगाएका हुन् ।

उनले भने, , ‘यतिबेला नेपाली कांग्रेस पानी बाहिरको माछा जस्तो छट्पटाएको देखिन्छ । सत्ता बाहिर आफ्नो अस्तित्व आफैं विश्वास गर्न नसक्ने अवस्थामा कांग्रेस पुगेको छ ।’

उनले ठूलो दल नेपाली कांग्रेसको गैरजिम्मेवारीका कारण आफू देश बनाउन अग्रसर भएको बताए । अहिले कांग्रेसले सत्ता गठबन्धनमा भाँजो हाल्न खोजेको भन्दै ओलीले असन्तुष्टि जनाए । उनले भने, ‘बाहिर रहँदा सत्ता पक्षमा विग्रह ल्याउने र अल्पकालीन लाभ लिने अनुभव नेपाली कांग्रेससँग राम्रै छ ।’