एडिलेड, अष्ट्रेलिया । चलचित्र ‘बोक्सीको घर’ को रेड कार्पेट शो एडिलेडमा हुने भएको छ। निर्माता तथा अभिनेत्री केकी अधिकारीको उपस्थितिमा जुन १६ तारिख दि रेगल थिएटरमा हुने शोमा नेपालबाट अष्ट्रेलिया भ्रमणमा आएका अभिभावकहरुका लागि नि: शुल्क प्रवेश राखिएको चलचित्रका व्यवस्थापक तथा सामाजिक अभियन्ता हेम श्रेष्ठले बताए।

यस चलचित्रको दुई शो एडिलेडमा भैसकेछ। व्यवस्थापक श्रेष्ठले नेपाली सामाजिक कुरिती माथी आधारित, अभिनेत्री केकी अधिकारीद्धारा निर्माण गरिएको चलचित्र ‘बोक्सीको घर’ ले देश तथा विदेशमा दर्शकहरुको अपार माया पाएको बताउँदै चलचित्र समाजिक सन्देशका हिसाबले महत्वपुर्ण भएकाले व्यवसायी भन्दा पनि समुदायमा चेतना र हाम्रा कुरिति माथी बनेका चलचित्रहरुलाई प्रोत्साहन गर्ने उद्देश्यले प्रदर्शनको जमर्को गरिएको बताएका छन्।

उनले रेड कार्पेट शो नेपालबाट अष्ट्रेलिया भ्रमणमा आएका अभिभावकहरूको सम्मानमा उनीहरूलाई प्रवेश नि: शुल्क गरिएको बताए। रेड कार्पेट शोको केबिसी खबर मिडिया पाटनर रहेको छ।