काठमाडौं ।

बागबजारमा रहेको मेरिना इम्पेक्सले नेपाली यू–१९ राष्ट्रिय क्रिकेट टिमका खेलाडी र अफिसियलहरुलाई २० जोर सुट दिने भएको छ। यसबारे मेरिना इम्पेक्स र नेपाल क्रिकेट सघंबीच आज सम्झौता भएको हो।

सम्झौतासँगै दक्षिण अफ्रिकामा आयोजना हुने यू–१९ विश्वकप क्रिकेट खेल्न जाने नेपाली यू–१९ राष्ट्रिय क्रिकेट टिमलाई मेरिना इम्पेक्सका तर्फबाट पवन खड्का, अर्जुन बस्नेत र रामप्रसाद अर्यालले सम्मानसहित बिदाइ गरेका छन्। नेपाल क्रिकेट संघ क्यानले आयोजना गरेको विदाई कार्यक्रममा क्यानका सचिव पारस खड्काले खेलाडीहरुको हौसला बढाउन सहयोग गरेकोमा मेरिना इम्पेक्सलाई धन्यवाद दिएका थिए।

नेपाली क्रिकेट खेलाडीहरुको हौसला बढाउन सामाजिक उत्तरदायित्वअन्तर्गत उक्त सहयोग गरेको मेरिना इम्पेक्स्ले जनाएको छ। यसअघि पनि टी–२० वर्ल््ड कपमा मेरिना इम्पेक्सले नेपाली क्रिकेट टिमलाई ४० जोर सुट दिएको थियो।