काठमाडौँ ।

फिल्म ‘चित्रा’को टिजर सार्वजनिक भएको छ। सोमबार काठमाडौंको जमलस्थित विश्वज्वती हलमा एक कार्यक्रमको आयोजना गर्दै निर्माण पक्षले टिजर सार्वजनिक गरेको हो। उक्त कार्यक्रममा नेपाली चलचित्र जगतका निर्मता निर्देशक तथा रंग पत्रकारको बाक्लो उपस्थिति रहेको थियो।

बाबु–छोरीको कथामा आधारित फिल्मको टिजरमा उनीहरुको जीवनमा आइपर्ने उत्तारचढाव देख्न सकिन्छ। एक मिनेट २४ सेकेन्डको टिजरमा कलाकार सन्तोष अधिकारी, अर्पण थापा, प्रमोद अग्रहरि, शुभेक्षा खड्का, मेनुका प्रधानलगायत देखिएका छन्।

घनश्याम लामिछानेले निर्देशन गरेको फिल्ममा अन्य कलाकार अन्जना बराइली, सिम्रन खड्का, विनोद पौडेल, कपिल शर्मा, कुमार गुरुङ, उज्वल ढकाल, दिपेश गजुरेल र बाल कलाकार आयुशी ढकालले अभिनय गरेका छन्।

महेश पौडेलले छायांकन गरेको फिल्म सम्राट बस्नेतले द्वन्द्व निर्देशन, राजनराज शिवाकोटीको संगीत, बनिश शाह र सन्देश शाहले सम्पादन गरेका छन्। फिल्मका निर्माता आशिष थापा मगर हुन्। भने फिल्मको कार्यकारी निर्मातामा कलाकार सन्तोष अधिकारी छन्।