सिड्नी, अष्ट्रेलिया ।

गोर्खा नेप्लीज कम्युनिटीको हालै सम्पन्न साधारणसभाले राजीव प्रधानको नेतृत्वमा नयाँ कार्यसमितिको चयन गरेको छ । सन् २०२३ २५ को कार्यकालका लागि प्रधनसँगै उपाध्यक्षमा प्रकाश निंग्लेकु, पवि सुब्बा, सानु गुरुंग, महासचिवमा ईराज थापा, सामाजिक सचिवमा भीम सुब्बा, खेलकुद सचिवमा सुदीप रावल चयन भएका हुन् ।

यस्तै कार्यसमितिको सदस्यहरुमा बिमल केसी, पवित्रा सुब्बा, ज्ञानेन्द्र गुरुंग, टम थापा, गौतम तामांग, शोभा निंग्लीकु, डा. राजन क्षेत्री, अशोक राई, नवीन राना, अनील थापा, हेम लिम्बु, भगत लिम्बु रहेका छन् ।

कार्यसमितिको पब्लिक अफिसर, कोषाध्यक्ष, सहकोषाध्यक्ष लगायत सल्लाहकारको चयन कार्यसमितिले गर्नेछ । वार्षिक साधारणसभामा नयाँ नेतृत्व चयनका लागि डा. नारायण प्रधान, विष्णु हमाल, पदम शाक्य, लोकेन्द्र लिम्बु, चित्र तुम्बाहाम्फेको निर्वाचन कमिटी बनाइएको थियो ।

गोर्खा नेप्लीज कम्युनिटी दुई दशकभन्दा बढीदेखि सिड्नीमा क्रियाशील रहेको छ । यसले विभिन्न सामाजिक कार्यका साथै अष्ट्रेलियाकै लामोमध्येको एक जीएनसी फुटबल लिग आयोजना गर्दछ । केही समय अघि मात्रै यो लिगको २४ औं संस्करण सम्पन्न गरिएको थियो ।