मेलबर्न, अष्ट्रेलिया ।
अष्ट्रेलियाको भिक्टोरिया राज्यमा यतिबेला लकडाउनको अवस्था छ । कोभिड १९ कोरोना भाईरसको संक्रमणलाई रोक्न लगाइएको यो लकडाउन पछिल्लो समय बढ्दै गएको कोरोना संक्रमणले अनिश्चित तुल्याइदिएको छ । गएको २४ घण्टामा मात्रै १८ सय ३८ नयाँ कोरोना संक्रमित थपिएको र पाँच जनाले ज्यान गुमाएको तथ्यांक सार्वजनिक भएपछि स्थिति अन्योलपूर्ण बनेको हो ।
स्वास्थ्य सेवा विभागले सार्वजनिक गरेको तथ्यांक अनुसार नयाँ संक्रमित थपिएसँगै कूल संक्रमितको संख्या १६ हजार ८ सय २३ पुगेको छ । गएको २४ घण्टामा ७७ हजार ५ सय ५४ परीक्षणका नतिजा प्राप्त भएका थिए । यस्तै ३६ हजार ६ सय भिक्टोरियावासीले कोभिड १९ कोरोनाविरुद्धको खोप लगाएका छन् ।
संक्रमितको संख्या बढेसँगै निराशाजनक अवस्थामा राज्यको कूल खोप लगाउन तोकिएको वयष्कहरुमध्ये ८४ प्रतिशतले पहिलो डोज लगाइसकेको तथ्यांकले भने केही राहत दिएको छ । यस्तै दोश्रो डोज खोप लगाउनेको संख्या ५५ प्रतिशत पुगेको छ । राज्यमा ८० प्रतिशत कूल खोप लगाउनेको संख्या पुगेसँगै आगामी अक्टोबर २६ तारिखदेखि लकडाउनलाई खुकुलो बनाउने योजना छ ।
Reported yesterday: 1,838 new local cases and 0 cases acquired overseas.
– 36,600 vaccines administered
– 77,554 test results received
– Sadly, 5 people with COVID-19 have diedMore later: https://t.co/OCCFTAtS1P#COVID19Vic #COVID19VicData pic.twitter.com/aQ708hWaRQ
— VicGovDH (@VicGovDH) October 7, 2021
यसैबीच, राज्य सरकारले विभिन्न पेशामा आबद्ध रहेका व्यक्तिहरुलाई प्राथमिकताका आधारमा कुनै बुकिंगविना नै खोप लगाउने कार्य अन्तर्गत आज अपांगता भएका व्यक्तिहरुलाई खोप लगाइने भएको छ । यस्ता व्यक्तिहरुले सरकारले बनाएका विभिन्न अस्थायी खोप केन्द्रहरुमा गएर खोप लगाउन सक्नेछन् ।
प्रतिक्रिया