मेलबर्न, अष्ट्रेलिया ।
अष्ट्रेलियाको भिक्टोरिया राज्यमा कोरोना संक्रमण घट्नुको साटो बढिरहेको छ । पछिल्लो २४ घण्टामा २२ सय ९७ नयाँ कोरोना संक्रमित भेटिएको तथ्य स्वास्थ्य विभागले सार्वजनिक गरेको छ । यस्तै ११ जनाले कोभिडकै कारण यो अवधिमा ज्यान समेत गुमाएका छन् । गएको २४ घण्टामा ३७ हजार ६ सय ११ कोरोना विरुद्धको खोप वितरण गरिएको छ भने यससँगै कूल ६१ दशमलब ७ प्रतिशतले दुबै खोपको मात्रा लगाइसकेका छन् । पछिल्लो तथ्यांकसँगै कूल कोरोना संक्रमितको संख्या २० हजार ५ सय ५ पुगेको छ ।
Reported yesterday: 2,297 new local cases and 0 cases acquired overseas.
– 37,611 vaccines administered
– 82,762 test results received
– Sadly, 11 people with COVID-19 have diedMore later: https://t.co/OCCFTAtS1P#COVID19Vic #COVID19VicData pic.twitter.com/akg1jkxcxP
— VicGovDH (@VicGovDH) October 13, 2021
छैठौं पटक लकडाउन व्यहोरिरहेको भिक्टोरियाले ७० प्रतिशत डबल डोज कोरोना खोप पुगेपछि आगामी २६ अक्टोबरबाट राज्यमा लगाइएका प्रतिबन्धहरु खोल्ने योजना बनाएको छ । योजनाभन्दा अघि नै ७० प्रतिशत खोपदर पुग्ने अवस्थापछि प्रतिबन्ध हटाउने योजनालाई अघि सार्ने तयारी भइरहेको छ ।
प्रतिक्रिया