काठमाडौं । अष्ट्रेलियासहित सात देशले नेपालमा भइरहेको पछिल्लो घटनाक्रमको विषयमा गम्भीर चिन्ता व्यक्त गरेका छन् । अष्ट्रेलिया, फिनल्यान्ड, फ्रान्स, जपान, कोरिया गणतन्त्र, बेलायत र संयुक्त राज्य अमेरिकाको नेपालस्थित दूतावासहरुले संयुक्त वक्तव्य निकाल्दै यी घटनामा ज्यान गुमाउने र घाइते भएकोप्रति दुःख व्यक्त गरिएको छ । साथै, शान्तिपूर्ण सभा र अभिव्यक्ति स्वतन्त्रताप्रतिको दृढता पुनः व्यक्त गरेका छन् ।
यस्तो छ विज्ञप्ति –

अस्ट्रेलिया, फिनल्याण्ड, फ्रान्स, जापान, कोरिया गणतन्त्र, बेलायत र संयुक्त राज्य अमेरिकाका नेपालस्थित दूतावासहरूबाट स्

हामी काठमाडौं तथा नेपालका अन्य स्थानहरूमा आज देखिएका हिंसात्मक घटनाप्रति गहिरो दुःख व्यक्त गर्दछौं। यी घटनाहरूका कारण ज्यान गुमाउने दुःखद अवस्था उत्पन्न भएको र कैयौं घाइते भएकोमा हामी संवेदनशील भएका छौं।

पीडित परिवारजन, प्रभावित व्यक्तिहरूप्रति हामी हार्दिक समवेदना प्रकट गर्दछौं। साथै, घाइते सबैलाई शीघ्र स्वास्थ्यलाभको कामना गर्दछौं।

हाम्रा सरकारहरूले शान्तिपूर्ण सभा र अभिव्यक्तिको स्वतन्त्रताको सार्वभौमिक अधिकारप्रति आफ्नो दृढ समर्थन पुनः व्यक्त गर्दछ। हामी सबै पक्षलाई अधिकतम संयम अपनाउन, परिस्थितिलाई थप बिग्रिन नदिई शान्तिपूर्ण तरिकाले समाधान खोज्न तथा यी मौलिक अधिकारहरूको पूर्ण संरक्षण सुनिश्चित गर्न आग्रह गर्दछौं।