सिड्नी, अष्ट्रेलिया ।

सिड्नीको नर्थ वेष्ट नेपाली कम्युनिटी अन्तर्गतका नर्थवेस्ट नेप्लीज रनर्सले अष्ट्रेलियाको प्रतिष्ठित सिड्नी म्याराथन २०२५ मा सहभागी हुन आएका नेपाली मूलका अन्तर्राष्ट्रिय धावकहरूलाई सम्मान गरेको छ ।

द पन्ड्स पार्क रनपछि आयोजित कार्यक्रममा, समितिका अध्यक्ष बिकेन्द्र अधिकारीले धावकहरूलाई नेपाली झण्डा अंकित खादा ओढाएर सम्मान गरेका थिए । व्यवसायी तथा म्याराथन धावक किशोरराज अर्यालले धावक सन्तोष राईको योगदान र प्रेरणादायी यात्राको प्रशंसा गर्दै, राईले खेलकुदमार्फत नेपालीको पहिचानलाई विश्वभर पु¥याउनुभएको तथा सबैका लागि गौरव र प्रेरणा भएको बताएका थिए । त्यसैगरी ५० वर्षको उमेरमा दौड्न शुरू गरि विभिन्न १०० भन्दा वढी अन्तराष्ट्रिय म्याराथनमा सहभगी पाका धावक आत्माराम दहालले स्वस्थ रहन दौड्को महत्व रहेको बताएका थिए ।

धावक सन्तोष राईले पनि दैनिक दौड स्वास्थ्य र फिटनेसका लागि अमूल्य अभ्यास भएको बताए । उनले भने, मैले गरेको मेहनत अरूका लागि पनि प्रेरणा बन्न सकेकोमा म अत्यन्त खुसी छु।”

सन्तोष राईले यसअघि लन्डन म्याराथन २०२५ मा नेपालको परम्परागत पोशाक दौरा–सुरुवाल र ढाका टोपी लगाएर ४२।१९५ किमी दूरी २ घण्टा ५९ मिनेट ४७ सेकेन्डमा पूरा गर्दै गिनिज वर्ल्ड रेकर्ड कायम गरेका थिए ।

राई खेलकुदलाई सामुदायिक स्तरमा जोड्ने उद्देश्यले नेपाल रन युके तथा धरान रनको स्थापना गरेका थिए । २०११ मा आफ्नै जन्मथलो धरानमा सुरु गरिएको “Dharan Run” प्रारम्भमा २५ धावकले मात्र सुरु भए पनि अहिले यसले सयौँ धावकलाई नियमित रूपमा आकर्षित गर्ने गरेको छ र कतिपय समयमा हजारभन्दा बढी धावक सहभागी हुने गर्दछ।

कार्यक्रममा सिड्नीका विभिन्न क्षेत्रमा बसोबास गर्ने ५० भन्दा बढी नेपाली धावकरधाविकाहरू सहभागी थिए ।