आज मेलबर्नमा सुदूरपश्चिम समाजले गौरा पर्व मनाउँदै !

आज मेलबर्नमा सुदूरपश्चिम समाजले गौरा पर्व मनाउँदै !



मेलवर्न, अष्ट्रेलिया ।
सुदूर पश्चिम नेपाली समाज भिक्टोरियाले सुदूरपश्चिमको मौलिक पर्व गौरा मेलवर्नमा आज मनाइँदैछ । समाजका अध्यक्ष दीप चन्दले बिगतका वर्ष झै यस वर्ष पनि सुदूरपश्चिमेलीहरुले धुमधामका साथ गौरा मनाउन लागेको र सहभागी हुन सबैलाई आह्वान गरेका छन् । आज दिउँसो ४ः३० बजेदेखि राति ९ः३० बजेसम्म गौरा पर्व ब्रन्सविकमा रहेको औरोरा रिसेप्सनमा हुनेछ ।

अध्यक्ष चन्दले सुदूरपश्चिमको मौलिक पर्व गौराका अवसरमा गौरादेवी र महेश्वरलाई नचाउने, प्रसाद वितरण, देउडा खेल, गौरा सेलाउने लगायतका गतिबिधि गरिने जानकारी दिए ।

गौरा पर्वका अवसरमा आयोजना गरिने सांस्कृतिक कार्यक्रममा सुदूर पश्चिमका चर्चित गायक चक्र बम र टंक तिमिल्सेनाको विशेष सांगितिक प्रस्तुति रहने छ ।

उनले गौरा पर्वका अवसरमा आयोजना हुने सांस्कृतिक कार्यक्रममा प्रवेश निशुल्क रहेको बताए । अध्यक्ष चन्दले गौरा पर्वमा सहभागी हुन मेलबर्नमा रहेका नेपाली समुदायलाई आग्रह गरेका छन् ।