सिड्नी, अष्ट्रेलिया ।

सिड्नीको बरउड पार्कमा शुक्रबारबाट सुरु भएको अध्यात्मिक महोत्सव दोश्रो दिनमा प्रवेश गरेको छ । पहिलो दिन पार्कमा जम्मा भएका नेपालीहरुले १२ सय ८ कलश यात्रा सम्पन्न गरेका थिए । यसपछि आयोजना गरिएको औपचारिक कार्यक्रममा सहभागी भएका नेपालीहरु पण्डित दिनबन्धु पोखरेलको प्रवचन, अन्य धार्मिक भजन कीर्तनमा दिनभर सरिक भए । औपचारिक कार्यक्रममा अष्ट्रेलियाका लागि नेपाली राजदूतका तर्फबाट कुल बहादुर मगरले कार्यक्रमको सफलताको शुभकामना व्यक्त गरे। एनएसडब्लु प्रिमियर क्रिस मिन्सका तर्फबाट बहुसांस्कृतिक मामिला सम्बन्धी संसदीय सचिव मार्क बटीगेग, बहुसांस्कृतिक मामिला मन्त्रिका प्रतिनिधि जेसन यात(सेन लि, संघीय सांसद स्याली सिटो, बरउड मेयर जोन फाकेरका तर्फबाट काउन्सिलर सुकीर्ति भट्ट र एनआरएनए अध्यक्ष अनिल पोख्रेलले पनि शुभकामना मन्तव्य दिएका थिए।

महोत्सवको पूर्वसन्ध्यामा पूज्य बौद्ध धर्मगुरु टुल्कु सोनाम रिम्पुचे र वाचन प्रविण दीन बन्धु पोख्रेलबाट आशिर्वाद वाचन भएको थियो। साथै भरतनाट्यम र अन्य धार्मिक–आध्यात्मिक नृत्य प्रस्तुति पनि गरिएको थियो।

यसै क्रममा संस्थाका अध्यक्ष विष्णु हमाल र सपना हमाल, उपाध्यक्ष उमेश पन्त र सिर्जना पन्त, शुभान्स शाह र सरोज शाहको तर्फबाट एक एक लाख डलर सहयोगको प्रतिबद्धता आएको छ ।

यस्तै महेन्द्र लम्सालरलता लम्सालबाट २५ हजार, सुजित सिग्देल/साधना सिग्देलबाट १० हजार, बिष्णु घिमिरे/अन्जु घिमिरेबाट १० हजार, मिना शर्मा/शुबर्ण शर्माबाट १० हजार, प्रकाश बस्ताकोटी/सिर्जना बस्ताकोटीबाट १० हजार, अमृत आचार्य/रमा आचार्यबाट १० हजार, कल्याणी बर्तौला/बिनोद बाट १० हजार, प्रतिज्ञा अधिकारीबाट १० हजार र सुमन बर्तौला/सिर्जना सिग्देलबाट पाच हजार एक दान प्राप्त भएको छ्र पहिलो दिनको अन्तिमसम्म १५ जनाले आजीवन सदस्यता लिनु भएको छ्र नगद दान पेटिकामा ४२०१० प्राप्त भएको थियो
संस्थाका अनुसार पहिलो दिनमा १० हजार देखि एक लाखसम्म सहयोग गर्ने प्रतिबद्धता ४ लाख डलर पुगेको छ । कूल तीस लाख डलर सहयोग जुटाउने संकल्पका साथ सुरु भएको महोत्सवमा दोश्रो दिन धेरै नेपालीको सहभागिता हुने र सहयोग संकलनमा पनि तिव्रता आउने अनुमान गरिएको छ ।

एनआरएन अष्ट्रेलियाले गएको निर्वाचनमा बहुसांस्कृतिक केन्द्रलाई दिने प्रतिबद्धता व्यक्त गरिएको प्रतिसदस्य ५ डलर सहयोग अन्तर्गत १५ हजार डलर सहयोग हस्तान्तरण गरेको थियो ।

शनिबारको कार्यक्रममा विहान आचार्य राजन शर्माको योग शिविर त्यसपछि पण्डित दिनबन्धु पोखरेलको प्रवचन र भजनकीर्तनका साथै साँझ आरतीका कार्यक्रम रहेको छ ।