काठमाडौं । सत्तारुढ एमालेका केन्द्रीय सदस्य ऐन महर र उनकी श्रीमती चरित्रहत्या र गाली बेइज्जती कसुरमा पक्राउ परेर हाजिरी जमानीमा छुटेका छन् । बुधबार नै राष्ट्रिय स्वतन्त्र पार्टीका केन्द्रीय सदस्य अरनिको पाँडे पनि सोही कसुरमा पक्राउ परेका छन् । उनलाई म्याद थपका लागि अदालत लग्ने तयारी छ ।
काठमाडौं जिल्ला अदालतबाट यही भदौ ९ गते पक्राउ पूर्जी जारी भएका महर दम्पती बुधबार आफैं प्रहरीको साइबर ब्यूरोमा उपस्थित भएका थिए । त्यसपछि उनीहरूलाई दिउँसो सरकारी वकिल कार्यालयमा उपस्थित गराइएको थियो । अरनिको पाँडेलाई पनि प्रहरीले सोधपुछका लागि बोलाएर नियन्त्रणमा लिएको थियो ।