नेपाल तथा अन्य देशमा रहेका नेपालीहरूसँग रकम लिई भिडियो कलमार्फत अश्लील क्रियाकलापमा सहभागी गराएको आरोपमा १ जना पक्राउ परेका छन् ।

महिलाको अश्लील सामग्री बनाएर बिक्री वितरण गरेको भन्ने सूचनाको आधारमा जिल्ला प्रहरी परिसर, काठमाडौंबाट खटिएको टोलीले उनलाई गत शुक्रबार पक्राउ गरेको हो ।

पक्राउ पर्नेमा सुर्खेतको वीरेन्द्रनगर नगरपालिका-६ घर भइ जिल्ला काठमाडौंको टोखा नगरपालिका ग्राण्डी बस्ने २९ वर्षीय रमेश थापा छन् ।
उनलाई मुलुकी अपराध संहिता २०७४ को दफा १२१ बमोजिमको अश्लील किताब, पर्चा इत्यादि बनाउन वा बिक्री गर्न नहुने कसुरमा ५ दिनको म्याद थप गरेर अनुसन्धान भइरहेको प्रहरीले जनाएको छ ।