नेपाल प्रहरीका प्रमुख दिपक थापाले आपराधिक सोच भएको व्यक्तिले सहजै गिरफ्तारी नदिने बताएका छन् ।
राज्य व्यवस्था तथा सुशासन समितिमा आफ्नो भनाई राख्ने क्रममा उनले यस्तो बताएका हुन् । दुर्गा प्रसाईंप्रति लक्षित गर्दैै उनले प्रहरीले किन टायरमा गोली हानेन भन्ने प्रश्नमा ढोका हातैले फोडेको प्रतिक्रिया दिए । भिड नभड्कियोस् भनेर फेरि तीनकुने नै ल्याएर छोडिएको सम्म भन्न भ्याए । प्रहरीले आफ्नै पूर्वकर्मचारी र सेनाका पूर्वलडाकुहरुको योजनाबद्ध हिंसा योजनालाई बुझ्न नसकेको निष्कर्श यतिबेला आम सर्वसाधारणले व्यक्त गर्न थालेका छन् । के भने प्रहरी महानिरीक्षक दीपक थापाले ? उनको जवाफ जस्ताको तस्तै –
शान्तिपूर्ण रूपमा गर्छु भनेर रुट समेत दिइएको थियो । राजावादी आन्दोलन ३९ वटाभन्दा बढी समूहले निकालेका साना जुलुस थिए । तीनकुनेमा मञ्च बनाइएको थियो । केन्द्रीय सुरक्षा समिति र जिल्लाको कमाण्ड अगाडि बढाएकै हो । अराजक, हिंसा, लुटपाट, तोडफोड, आगजनीमा उत्रियो । हाम्रो स्ट्राटेजी अनुसार अगाडि बढ्न केही चुनौती थियो । तथापि, नेपाल प्रहरी सीमित स्रोत साधनभित्र रहेर र अधिकतम लचक भएर अगाडि बढ्यो ।

५५ जना नेपाल प्रहरी घाइते भए । सशस्त्रका २५ जना घाइते भए । प्रदर्शनकारीतर्फ सिलसिलेवार बल प्रयोग गर्‍यौं । फिल्ड कमाण्डरले परिस्थिति अनुसार बल प्रयोग गर्‍यो । कम गर्दा किन कम गर्‍यो , बढी गर्दा किन बढेन रु टायरमा गोली किन हानेन भन्ने प्रश्न आयो । तोकिएको निषेधित क्षेत्र मीनभवनको उकालोको नापीसम्म थियो । तीनकुनेको पुल अगाडि एउटा कर्डन थियो । अर्को कर्डन पुल पारिपट्टी राखेको थियो ।

गाडी यसरी ९दुर्गा प्रसाईंको० आयो कि बुलेट जसरी आयो । २९ वर्षको जागिरे अवधिमा पनि यस्तो देखिको थिइनँ मैले । प्रहरीलाई मार्ने जसरी आयो । गाडीबाट झारेपछि उनलाई ९प्रसाईंलाई० मञ्चमा पठाएको हो । उनी आउनुअघि नै पशुपति खड्का, सन्तोष राजावादीहरूले प्रहरीसँग झडप गर्न थाले । एकाथरी मञ्चमै उक्साउने गरी भाषण गर्न थाले । अर्को ग्रुप आएपछि अश्रुग्याँस हानिएको हो । अश्रुग्याँस तलबाट माथि हान्ने हो , माथिबाट तल होइन । मञ्चमा ग्याँस हानेको होइन ।

सशस्त्रको आईजीपीले भनेजस्तै ४०र४० जनाको टुकडी बनाएर घरघर तोडफोड गरे । गर्दै जाँदा मञ्चमा कार्यक्रम भएन । आईसीसी, एयरपोर्ट र सिंहदरबार कब्जा गर्ने भनेपछि फिल्ड कमाण्डरले त्यही अनुसार बल प्रयोग गर्ने निर्देशन भयो । अश्रुग्याँस सेल ८६४ प्रयोग गर्‍यौं । कानूनसम्मत नष्ट नगरेको र मौजाद रहेको ग्यास सेल हानिएको हो । म्याद नाघेका छैनन् ।

प्रहरीकै कार्यालय जलाउन झुम्रामा मट्टितेल हालेर आगो बालेर हिँडेपछि प्रहरीले क्लियर गर्दा गोली प्रहार भएको हो । जडीबुटीमा आगलागी भयो । पेट्रोलको डिपो नजिकै आगलागी भयो । शुरूमा स्थिति कन्ट्रोलमा ल्याइसकेपछि र घाइतेलाई रेस्क्यू गरेपछि मानिस पक्राउ गर्नेक्रममा कूल १६१ जना पक्राउ परेका हुन् । प्रदर्शनकारीले ३९ गाडीमा क्षति गरेका छन् । आन्दोलनका दिन दुई जनाको मृत्यु भयो । प्रहरीले कानूनको पिरिधिमा रहेर काम गरेका छौं । राज्यविरुद्धको कसुर र संगठित अपराधमा २० जना र आपराधिक उपद्रवमा ५८ जनाविरुद्ध म्याद थप भएर अनुसन्धान भइरहेको छ ।

समातिएकाहरूलाई पनि प्रमाणका आधारमा मात्रै समातेका हौं । मुख्य व्यक्तिस जो आपराधिक कार्य गर्छ उसले सहजै गिरफ्तारी दिँदैन । (प्रसाईं) स्टेप बाई स्टेप भागेको अवस्था छ । प्रसाईंलाई खोजी गर्न प्रहरी संयन्त्र लागिपरेको छ ।