सिड्नी, अष्ट्रेलिया । २०१८ मा स्थापना भइ अष्ट्रेलियामा रहेका थारुहरु बिच भाइचारा कायम गर्दै थारु कला संस्कृतिको जगेर्ना एबम चाड पर्बहरु मनाउदै आइरहेको थारु सोसाइटी सिडनी अष्ट्रेलियाले बिगतका चार वटा माघी पर्बको निरन्तरता सहित यस बर्षको माघी पर्ब पनि बिबिध कार्यक्रम सहित अष्ट्रेलियाको सिडनीमा हर्ष उल्लासका साथ मनाउने भएको छ । यस पटक चर्चित गायीका अनु चौधरीको उपस्थितिले थप रौनक मिल्ने आयोजकको अपेक्षा छ ।
सोसाइटीका तर्फबाट पब्लिक अफिसर अरुण .चौधरी दिएको जानकारी अनुसार कार्यक्रम आउदो जनवरी १४ तारिख मंगलवार ९थारु सम्बत २६४८ , माघ १ (माघे सक्रान्ति) का दिन सॉझ ५ बजे देखि १० वजे सम्म ईन्द्रेणी फंक्सन सेन्टर रकडेलमा हुदैछ ।
सुमधुर स्वरकी धनी अनु चौधरीको प्रस्तुती संगै थारु रिति रिबाज अनुसार लाठी नाच, झुमरा नाच, आदी नृत्य, थारू परिकार र खानपिन सहितको सो कार्यक्रममा उपस्थितिको लागि थारु सोसाइटी अफ अष्ट्रेलियाले सम्पूर्ण थारू समुदाय लगायत सबै नेपाली दाजु-भाई, दिदी-बैनीहरु लाई हार्दिक अनुरोध गरेको छ।