अस्ट्रेलियामा रहेका नेपाली पत्रकारको साझा संगठन अस्ट्रेलियन नेप्लिज जर्नलिष्ट एशोसिएसन (एञ्जा) को तेश्रो अधिवेशन फेब्रुअरी महिनाको २१ र २२ तारिख शुक्रबा र शनिवार अस्ट्रेलियाको राजधानी क्यानबेरामा हुने भएको छ । एञ्जा कार्यसमिति बैठकले अधिवेशनको स्थान र मिति तय गरेको हो ।

अधिवेशनले आगामी दुई बर्षका लागि नयाँ नेतृत्व चयन गर्नेछ । एञ्जा अध्यक्ष चिरञ्जिवी देवकोटाले अधिवेशनलाई भव्यताका साथ सम्पन्न गर्नका लागि तयारी शुरु गरिएको जानकारी दिनुभयो । देवकोटाले अधिेशनको मिति घोषणासँगै २४ महिनादेखि खुल्ला रहेको नयाँ सदस्यता आवेदन बन्द गरिएको र सदस्यता नवीकरणका लागि जनवरी २५ तारिखसम्मको समय तोकिएको बताउनुभयो ।
एञ्जाले अधिवेशन सफल बनाउन अध्यक्ष चिरञ्जीवी देवकोटा संयोजक रहने र तीनै उपाध्यक्ष, महासचिव, सचिव, कोषाध्यक्ष, प्रवक्ता तथा पब्लिक अफिसर सम्मिलित तयारी समिति गठन गरेको छ । यस्तै कार्यक्रमस्थलको टुंगो लगाउन तथा आयोजनाका लागि आवश्यक आर्थिक संयोजनको निम्ति उपाध्यक्ष कृष्ण तिवारीको संयोजकत्वमा विनायक अधिकारी, गणेश भट्ट र खगेन्द्र सत्याल सदस्य रहेको उपसमिति निर्माण गरिएको छ । उक्त समितिले अधिवेशनको आयोजना लागि हल तथा आर्थिक व्यवस्थापनको ।काम गर्ने महासचिव नारायण खड्काले बताउनुभयो ।
यसैगरि हरेक दुई वर्षमा अष्ट्रेलियामा क्रियाशील पत्रकारमध्ये एकजनालाई प्रदान गरिँदै आएको स्वर्गीय टीका कार्की स्मृति पुरस्कार वितरणको लागि संस्था का अध्यक्ष देवकोटा , कानुनी सल्लाहका र टोनु घोताने र समुदायकी सक्रिय अगुवा प्रतिज्ञा अधिकारी सम्मिलित छनोट समिति गठन गरिएको छ । एन्जाले आफ्नो सदस्यता शुल्कलाई १०० डलर बनाएको छ

यस्तै अधिवेशनमा सहभागिता शुल्क थप १ सय लिने निर्णय पनि कार्यसमितिले गरेको हो ।
अघिल्लो वर्ष ब्रिसबेनमा सम्पन्न भएको विधान अधिवेशनले तोके बमोजिम पत्रकारिता गरेका तर हाल सक्रिय नरहेका आफ्ना सदस्यहरुलाई संस्थाले एन्जा काउन्सिलमा समेट्ने तयारी गरेको छ । काउन्सिल सदस्यहरुले भने ५० डलर मात्र सदस्यता शुल्क तिर्नुपर्नछ ।एन्जा अष्ट्रेलियामा सक्रिय पत्रकारहरुको पहलमा सन् २०१९ मा स्थापना गरिएको हो । एन्जालाई नेपाल पत्रकार महासंघले आफ्नो आधिकारिक प्रतिनिधि संस्थाको मान्यता दिएको छ ।