काठमाडौँ । नेपाल पत्रकार महासंघको अध्यक्षमा निर्मला शर्मा निर्वाचित हुने निश्चित भएको छ । मधेश प्रदेशको ७ सय भोट गन्न बाँकी हुँदा नै आफ्ना निकटतम प्रतिद्न्द्वी रमेश विष्टभन्दा १४ सय मतले अगाडि देखिएपछि उनको विजय सुनिश्चित बनेको हो । यद्यपि महासंघको निर्वाचन आयोगले औपचारिक रुपमा घोषणा भने मतगणना सकिएपछि आईतबार गर्नेछ ।
शुक्रबार एकसाथ देशभर सम्पन्न भएको निर्वाचनको मतगणना गएरातिदेखि नै जारी छ । निर्वाचन समितिले शनिबार रातिसम्म सबै गणना सकिएपनि आईतबार विहान मात्रै सार्वजनिक गर्ने तयारी गरेको छ ।