काठमाडौँ ।

धनगढीमा जारी सुदूरपश्चिम महोत्सव २०८० मा नायक पल शाहको ब्रासलेट हराएको छ। शनिबार महोत्सवमा प्रस्तुति दिने क्रममा उनको करिब ३ तोला सुनको ब्रासलेट हराएको बताइएको छ।

प्रस्तुतिका क्रममा उनकै फ्यानहरूले हात तानेर ब्रासलेट खोस्यो या हरायो भन्ने विषयमा अत्तोपत्तो छैन। ब्रासलेट खोज्न सिसिटिभी हेरिएपनि अहिलेसम्म फेला नपरेको आयोजकले जनाएको छ।

महोत्सवमा उद्घोषकले पनि नायक शाहको ‘ब्रासलेट हराएको सूचना’ जानकारी गराएका थिए। तर शाहले ब्रासलेट हराएकोमा कुनै दुःख व्यक्त नगरेको बताइन्छ।

पलले आफ्नो फेसबुक पेजमा लेखेका छन्,‘यति धेरै माया गर्नुहुने सुदूरपश्चिमेली आमाबुवा, दाजुभाइ, दिदीबहिनी सम्पूर्ण शुभचिन्तकज्यूहरूमा हृदयदेखि नमन व्यक्त गर्दछु। सुदूरपश्चिम महोत्सव २०८० का सम्पूर्ण आयोजकज्यूहरू तथा दाइ मिलन कुँवरप्रति विशेष आभार तथा धन्यवाद व्यक्त गर्दछु।’