काठमाडौँ ।

फ्रेन्च लिग वान अन्तर्गत पिएसजीलाई लिलेले बराबरीमा रोकेको छ। गएराती सम्पन्न खेलमा पिएसजी लिलेसँग १–१ गोलको बराबरीमा रोकिएको हो।

पिएसजीका लागि खेलको ६६औ मिनेटमा किलीयन एम्बाप्पेले पेनाल्टी मार्फत गोल गर्दै शुरुवाती अग्रता दिलाएका थिए। तर खेलको ९० मिनेटपछिको इन्जुरी समयमा लिलेका लागि जोनाथन डेभिडले गोल गर्दै खेल बराबरी गरेका थिए।

यो बराबरीपछि पिएसजीको १६ खेलमा ३७ अंक भएको छ र लिगमा शिर्ष स्थानमा कायम रहेको छ। त्यसैगरी लिलेको भने १६ खेलमा २८ अंक रहेको छ।