काठमाडौँ ।

एसीसी यू-१९ एसिया कप अन्तर्गत नेपालले आज दोस्रो खेलमा अफगानिस्तानको सामना गर्दै छ। समुह ए अन्तर्गतको यो खेल नेपाली समय अनुसार बिहान ११: १५ बजेदेखि दुवईमा शुरु हुदै छ।

त्यस्तै समुह ए अन्तर्गतनै आज भारत र पाकिस्तानबीच पनि खेल हुदै छ। यो खेल पनि बिहान ११ः १५ बजेदेखि नै शुरु हुने छ।

शुक्रबारदेखि शुरु भएको यू–१९ एशिया कपमा नेपालले आफ्नो पहिलो खेलमा पाकिस्तानसँग हार बेहोरेको थियो। त्यस्तै अफगानिस्तानले पनि भारतसँग हार बेहोरेको थियो। प्रतियोगितामा अगाडी बढ्न नेपालले आज अफगानिस्तानलाई हराउनै पर्ने अवस्था रहेको छ।

त्यस्तै भारत र पाकिस्तानले भने समुह ए मा आफ्ना पहिलो खेल जितेर यो खेल खेल्दै छन्। त्यस्तै शनिबार सम्पन्न समुह बी का पहिलो खेलमा श्रीलंका र बंगलादेश विजयी भएका छन्। श्रीलंकाले जापानलाई र बंगलादेशले आयोजक युएईलाई पराजित गरेको थियो।