मेलबर्न अष्ट्रेलिया ।

क्लबस्तरीय क्रिकेट खेल्न राष्ट्रिय टिमका ओपिनङ ब्याटर कुशल भुर्तेल अस्ट्रेलिया आइपुगेका छन्। उनी अस्ट्रेलियन क्लबस्तरीय क्रिकेटका खेल्न आइतबार बिहान अष्ट्रेलिया आइपुगेका हुन्। उनलाई मेलबर्न यएरपोर्टमा सगरमाथा ब्लु क्रिकेट क्लबका पदाधिकारीहरुले भव्य स्वागत गरेका थिए।

उनलाई अष्ट्रेलिया क्रिकेट टुरमा सगरमाथा ब्लु र एक्सपर्ट एजुकेशन एण्ड भिजा सर्भिसले सहयोग गरेको छ। अष्ट्रेलिया आएका भुर्तेललाई मेलबर्नमा एक कार्यक्रमको आयोजना गरी स्वागत गरिएको थियो। एक्सपर्ट एजुकेसन मेलबर्न ग्लेनरोयस्थित अफिसमा राखिएको स्वागत कार्यक्रममा सगरमाथा ब्लु क्रिकेट क्लबका पदाधिकारीहरु र भिक्टोरियामा रहेका नेपाली क्रिकेट फ्यानहरुको सहभागीता रहेको थियो। कार्यक्रममा क्रिकेटर भुर्तेलले अष्ट्रेलिया यात्राको बारेमा जानकारी गराएका थिए।

उनले अस्ट्रेलियामा फ्र्यांक्सटन पेनेन्सुयला क्रिकेट क्लबमा रहेर दुई महिना क्रिकेट खेल्नेछन्। उनले फ्र्यांक्सटन पेनेन्सुयला क्रिकेट क्लबबाट राम्रो प्रदर्शन गरेमा अष्ट्रेलियाका अन्य क्लब र विग बासमा खेल्ने मौका पाउन सक्छन्।