मुम्बई ।

बलिउड अभिनेता अजय देवगन सुटिङका क्रममा घाइते भएका छन्। उनी आफ्नो आगामी फिल्म ‘सिंघम अगेन’ को सुटिङका क्रममा घाइते भएको भारतीय संचारमाध्यामले जनाएका छन्।।

मिड डेको रिपोर्टका अनुसार अजय देवगन, रोहित शेट्टी र उनको टोलीसँग विलेपार्लेमा सुटिङ गरिरहेका थिए। अजय देवगन एक लडाईंको दृश्यको सुटिङ गरिरहेका थिए, जब अनायासै एक प्रहार अभिनेताको अनुहारमा लाग्यो, उनको आँखामा चोट लाग्यो।

चोट लागेपछि अजय देवगनले केही घण्टा ब्रेक लिए र डाक्टरले उपचार गरे। यस क्रममा रोहितले आफ्नो काम प्रभावित हुन दिएनन् र बाँकी दृश्यको सुटिङ जारी राखेपछि अजय अलिकति निको भएपछि उनले फेरि सुटिङ गर्न थाले।

रोहित शेट्टीको आगामी फिल्म ‘सिंघम अगेन’ सिंघम फ्रेन्चाइजीको तेस्रो किस्ता हो। फिल्ममा अजय देवगन मुख्य भूमिकामा छन्। फिल्ममा अक्षय कुमार, करिना कपूर खान, दीपिका पादुकोण र रणवीर सिंह पनि मुख्य भूमिकामा देखिने छन्।

यिनीहरूबाहेक शिल्पा शेट्टी डीसीपी, अञ्जली शेट्टीको भूमिकामा र टाइगर श्राफ ‘सिंघम अगेन’मा एसीपी सत्य पाण्डेको भूमिकामा देखिनेछन्। यति मात्र होइन, ‘सिंघम अगेन’ मा सोनू सूद, प्रकाश राज, फरदीन खान, ज्याकी श्राफ, रणवीर सिंह र सिद्धार्थ जाधव पनि महत्वपूर्ण भूमिकामा देखिनेछन् ।

हालै फिल्मको पोस्टर सेयर गर्दै अभिनेताले फ्यानलाई फिल्ममा उनको एक्शनले भरिपूर्ण अवतारको झलक दिएका छन्।