कार्तिक २९, काठमाडौँ । आईसीसी एकदिवसीय विश्वकप क्रिकेटमा आजदेखि सेमिफाइनलको खेल शुरु हुँदैछ। भारतको वाङखडेमा दिउँसो २ः१५ बजे हुने पहिलो सेमिफाइनलमा आज भारत र न्युजिल्याण्ड खेल्दैछन्।

जारी विश्वकपमा भारत अपराजित टोली हो भने न्युजिल्याण्ड नौ मध्ये पाँच खेल जितेर चौथो स्थानमा रहेको टोली हो। त्यस्तै दोस्रो सेमिफाइनलमा दक्षिण अफ्रिका र अष्ट्रेलिया भोलि खेल्नेछन्। फाइनलमा पुग्ने २ टोलीले उपाधिका लागि नोभेम्बर १९ मा खेल्नेछन् ।