काठमाडौँ ।

दक्षिण अफ्रिकाले अफगानिस्तानलाई पाँच विकेटले पराजित गरेको छ। जारी आइसीसी क्रिकेट विश्वकप अन्तर्गतको खेलमा अफगानिस्तानले दिएको २४५ रनको लक्ष्य पछाएको दक्षिण अफ्रिकाले ४७.३ ओभरमा ५ विकेट गुमाउदै लक्ष्य पुरा गरेको हो।

यसअघि टस जितेर पहिला ब्याटिङ गरेको अफगानिस्तानले ५० ओभरमा अल आउट हुँदै २४४ रन बनाएको थियो। योसँगै दक्षिण अफ्रिकाले यस विश्वकपमा सातौं जित हासिल गरेको छ। ९ खेलमा १४ अंक हासिल गरेको दक्षिण अफ्रिका अंक तालिकामा दोस्रो स्थानमा रहेको छ।

दक्षिण अफ्रिकाले यसअघि नै सेमिफाइनलमा स्थान बनाइसकेको छ भने सेमिफाइनलमा अस्ट्रेलियासँग खेल्ने पनि तय भइसकेको छ। त्यस्तै अफगानिस्तान यो हारसँगै विश्वकपबाट बाहिरिएको छ। अफगानिस्तानले यस विश्वकपका ९ खेलमा ४ जित हासिल गर्‍यो भने पाँच खेलमा हार बेहोरेको छ।