काठमाडौँ ।

आईसीसी एकदिवसीय विश्वकप क्रिकेटमा अष्ट्रेलिया सेमिफाइनलमा प्रवेश गरेको छ। मंगलबार भएको खेलमा अफगानिस्तानलाई ३ विकेटले पराजित गर्दै अष्ट्रेलिया सेमिफाइनलमा प्रवेश गरेको हो।

अफगानिस्तानले दिएको दुई सय ९२ रनको लक्ष्य अष्ट्रेलियाले ४६ ओभर ५ बलमा ७ विकेट गुमाएर पूरा गर्याे। अष्ट्रेलियाका ग्लेन म्याक्सवेलले दुई सय एक रनको दोहोरो शतक खेले।

अफगानिस्तानका नभिन उल हक, अजम्तुल्लाह ओमरजाई र रासिद खानले दुई दुई विकेट लिए। त्यस अघि मुम्बईको वानखेडे स्टेडियममा टस जितेर ब्याटिङ गरेको अफगानिस्तानले निर्धारित ५० ओभरमा ५ विकेट गुमाएर २ सय ९१ रन बनायो।

अफगानिस्तानका इब्राइम जद्रानले १ सय २३ रन बनाए। अस्ट्रेलियाका जोश हेजलवूडले २ विकेट लिए। ८ खेलमा ६ वटा जितेको अष्ट्रेलिया १२ अंक सहित जारी विश्वकपको तेस्रो स्थानमा छ। सामान ८ खेलमा चार वटा जितेको अफगानिस्तान आठ अंक सहित छैटौं स्थानमा छ।