काठमाडौं ।

वरिष्ठ गायिका लोचन भट्टराईले लामो समयको अथक प्रयास पछि आदिकवि भानुभक्त आचार्यद्वारा रचित रामायणलाई स्वर र संगीत गरि ‘रामायण गीति संग्रह’दर्शक श्रोता माझ ल्याएकी छन्। 

उपराष्ट्रपति रामसहाय यादवले उक्त संग्रहलाई एक कार्यक्रमकाबीच विमोचन गरेका छन्। भद्रकालीको आर्मी अफिसमा आयोजित कार्यक्रममा राष्ट्रपति यादवले भानुभक्तको महत्त्व नेपालीले बिर्सिँदै गएका बेला गायिका भट्टराईले भानुभक्तको रचनालाई संगित र स्वर भरि फेरि भानुभक्तलाई सम्झिएकोमा आफू खुसी भएको बताए।

कार्यक्रममा गायिका भट्टराईले आफूले भानुभक्तको रचनालाई कुनै प्रकारले नबिगारी दर्शक श्रोतामाझ ल्याएको बताइन्। उक्त गीति संग्रह गायिका लोचन भट्टराईकै युट्युब च्यानलबाट भाग एक दुई गर्दै आउने छ।