Logo

तालिबान लडाकु र सशस्त्र समूहबीच भिडन्त, १७ जनाको मृत्यु



काठमाडौं, ८ कात्तिक । अफगानिस्तानको हेरात प्रान्तमा तालिबान लडाकु र सशस्त्र समूहबीच भएको भिडन्तमा १७ जनाको मृत्यु भएको छ । पश्चिमी प्रान्त हेरातमा भएको भिडन्तमा उनीहरुको मृत्यु भएको स्थानीय अस्पताललाई उदृत गर्दै स्पुटनिक समाचार माध्यमले जनाएको छ ।

‘तीन महिला, सात पुरुष र सात बालबालिका गरी १७ जनाको शब हेरात प्रान्तको एक अस्पतालमा लगिएको छ’, स्रोतलाई उदृत गर्दै  स्पुटनिकले लेखेको छ, ‘ती सबैको गोली लागेर मृत्यु भएको हो ।’ अफगान अधिकारीका अनुसार तालिबानले हेरातमा आइतबार विशेष कारबाही गरेको थियो । अपहरणमा संलग्न स्थानीय समूहलाई लक्षित गरी भएको उक्त कारबाहीमा कम्तिमा तीनजना अपराधी मारिएका थिए ।